غزل زیبای اجتماعی از استاد عاصم اردبیلی
چیخسا اوکی دن
ساقی زامان ون جبری منی سالسا دا هی دن
سرشار ائله جان ساغرینی قیرمیزی می دن
هجران ستم ین نن اوجالیب گویلره ناله م
سوس دی منی آنجاخ سوروش احوالی می نی دن
من مدرسه د ن تکجه بو بیر نکته نی قاندیم
مشکیل آپارام فایدا الف دن نه ده بی دن
قانماخ نه قدر چوخ او قدر یانماغ ون آرتیق
بخت ون بو قدر باغرینی چاتلاتما گیلی دن
دونموش بئین نه گون ده کسر یوخدی اریت سون
بوشلا قوزی یی باشلاما افسانه گونی دن
خرمایه یوخون لاش نئجه کی حضرت زاهید
گؤز یومدی خدادن ولی گؤز یوممادی ری دن
قاضی کی قضاوت ده اؤگی دوغماسی اولدی
باج آلمالیدی حشره کیمین دوغما اؤگی دن
ایمان ائوی کفرون پیله گی نن ییخیلان دی
هر ئیرده عمل قصری اگر سوست اولا پی دن
قانماز ائله قانماز دی باشی عرشه ده چاتسا
یوخ فرقی پاریس دن اولا صادر یا رضی دن
باغ لاردا ئیرین برکیده بیلسه قره قارقا
بولبول چیخا بیلمز یازا قورتارسا دا دی دن
انسانی فنر مثلی کی ییغدون آچیلان دا
گاه آنکارا دان باش چیخادار گاهی دوبی دن
سانما کئ یی ب ظلم کارا قارشی قلم لر
تابوته دؤنر تخت ، قلم چیخدی کی کئ دن
ایسترسن اولاغ یول لا نا قارداش یمین آرتیر
عیسی ائله ین معجزه نی اومما هوچی دن
رستم سن اگر گوج لی اولا نماز سان اجل دن
سلطان سان اگر فایدالان افسانه ی کی دن
جسم ون سنه خالیق دن امانت دی دمین توت
من نن سؤز ائشید ائیله حذر اوچ دنه پی دن
پئل دی بو اوچ ون ان پوتاسی هر قدر آرتسا
قاپماخدا یقین سبقت آلار سان آنا لی دن
پارتی نظریم دی ا ُ ایکینجی پی یه دایر
پارتی لا آشان ایش سالاجاخ پی سری هی دن
آیدین دی اوچ ونجی پی علامت دی پلو دان
بوکسون کیسه سی گؤر نه یه واریث دی کلی دن
دوز گون سؤزونه " عاصم " اگر مشتری قالسا
ائل لر آرا نشر اولما لی دی چیخسا اوکی دن
.: Weblog Themes By Pichak :.