کاسیبا گؤزه ل بیر اجتماعی شعر آقای صالح عاصم اردبیلی دن دی کی تقدیم اُولی محضروزه :
بذل اُولوپدی نه قَدَر صبر فراوان کاسیبا
اُو قدَر سولاناجاق خنجر بُرّان کاسیبا
ایشله مک رعیته پای ، دیشله مک اربابه چاتیب
یئری وار ارباب اُولا مین دؤنه قربان کاسیبا
قصرلر باج آلا بیلمز اُوجا داغدان بو سیاق
چاتسا گر بؤلگی ده بیر کلبه ویران کاسیبا
بو غروریله چاپانمز آقالار آرزی آتین
وئرسه گر دور زامان چاپماغا میدان کاسیبا
بیر بیله اُنس قاتامّز دیشینن اِرکک اتی
یوز گیرم اََت اولا گر بئش باشا احسان کاسیبا
بیر اِئلین روزی سی هاردان دولار آشغال قابینا
پای بؤلن اُولسا اگر بیر گئجه مهمان کاسیبا
ملتین کیم بئجرَر روزی سینی قان ترینن
قانماماق مشکلی نی اِئتسه لر آسان کاسیبا
دئیمه سه شاخدا ، بوران شاللاغی عریان کاسیبا
یارانیب رأی وئره ، جنگ اِئیلیه ، قان بذل اِئلیه
نیه ! چون باغلانیب حیثیت ایران کاسیبا
بوردا یوخ عیبی دئسون رستم دوران کاسیبا
کسب امنیت اُولان نان سُؤرا هاردان یاراشار
راحت و لذت جان ، جوجه بریان کاسیبا
اِئله اوخشاردی یقین ، بوذر و سلمان کاسیبا
تا کی مین رشک آپارا سیل خروشان کاسیبا
مرزلرده قازیلیب سنگر ایمان کاسیبا
بونا خاطیر وئریلیب چنگیله دندان کاسیبا
دیل وئریلمیش اولا تا بَه بَه هَه امکان کاسیبا
باش وئریلمیش وئرا داش ، صاحب فرمان کاسیبا
چونکی شایسته دی شولای نگهبان کاسیبا
.: Weblog Themes By Pichak :.