نه   قدَر   علم       طبابت       چاپا      سرعتله      آتین

یوخ    قولونجان  کیمی   بیر سانجی یا    درمان   کاسیبا

 نه   قدَر     سیر      سماوات      اِئلیه     علم       نجوم

گویده    حاشا    تاپا    بیر    کوکب    رخشان     کاسیبا

 کِئف   سنون   وارّی  داداش   ایشلمه  یات  ،  لذته   بات

لطف  اِِئت   آنجاق   بو قدَر  سئویلمه   قان قان    کاسیبا

 قوسدور   اندور    سنه ده     اُوریگینی     دور    زامان

قورخ  او  گوندن  کی   چاتا     نوبت    طغیان    کاسیبا

 چوخ     بلی     قربانا     آللانما      دئدیللر      سنه   ده

اَسسه    بیر    باد     مخالف   ،   بلی     قربان    کاسیبا

 گنج   قارون   اُولا   اُولماز  سنه    بیر  وعده    چورَک

باغلانیب    قانسون   اگر  ،   دنله    دییرمان      کاسیبا

 بوشلی   سان   گر  اُو   قابار   اللره   عمرون    اُوزونی

روزی سین   تنگه   سالیب   جورّا ما    بحران    کاسیبا

 کیسه ون   آغزی   یاریم   اُولسادا   بووز  آغزین   اُوتان

اِذن    وئر   یاتماغا    قالسون    پارا    یورقان    کاسیبا

 زالی  تک    سورما    قانین   ،   آلما    بدن نن   تاوانین

سن  کی    سالدیرمالی سان   قصرووه    ایوان    کاسیبا

 یئر سنون  ،  گویده   سنون   ،   نعمت   الواندا     سنون

بیر  اُوچوخ    دامخانی    گل    اِئیلمه    زندان    کاسیبا

 گول  سنون  ،  یازدا  سنون  ،  روض?  رضواندا  سنون

اُولما    شیطان   قالا    تا   ،   بوغداجا    ایمان    کاسیبا

 واهمه م      واردی     بو    ایمانیده      شیطان      آپارا

نه  قدَر   اُولگی  دی    سَن    مثلی     مسلمان     کاسیبا

 تکجه   بیر   وعدیه  " عاصم "   گلِی   آنجاق    گومانیم

نه    عنایت     اِئده     تا     صاحب     دوران     کاسیبا

 صالح عاصم کفاش اردبیلی